Алғашқы Мобильдік халыққа қызмет көрсету орталықтары 2011 жылы құрылған болатын. Мобильдік топтарды құрудың мақсаты мемлекеттік қызметтердің халыққа қолжетімділігін арттыру болатын. Оған дейін шалғай елді мекендердің тұрғындары құжаттарын тапсырып, қажетті қызмет түрін алу үшін жүз шақты шақырым жердегі аудан орталықтарына жүгінуге мәжбүр болатын. Мобильдік ХҚКО бұл мәселенің шешілуіне оң ықпал етті.

Бөкей ордасы ауданы жастарының «Туған өлкем - тірегім» форумы және «Жыл үздігі – 2017» жастар премиясын салтанатты марапаттау рәсімі өтті.Биылғы жылы екінші мәрте өткен аталмыш жүлде жыл бойына ауданымыздағы жастар қозғалысының дамуына белсене араласып, әр салада өз кәсіби шеберлігін көрсеткен, белгілі жетістіктерге жеткен, ел ертеңіне сенген – жастарды анықтау, болашаққа деген ынта-жігерін және елдің экономикалық, саяси, мәдени өміріне белсенділіктерін арттырып, жас буынның патриоттық сезімдерін нығайту мақсатында еңбек сіңірген әр саланың үздік жаңа есімдеріне берілді. «Жыл үздігі – 2017» жастар сыйлығы 9 аталым бойынша жүзеге асты. 

"Рухани жаңғыру" бағдарламасы аясында балалар-жасөспірімдер спорт мектебінің базасында пауэрлифтингтен (жатып сығымдап көтеру) Әлем чемпионы, Халықаралық дәрежедегі спорт шебері Самигуллин Хасанқожа Ертарғынұлының құрметіне айналған аудандық деңгейде ауыр атлетикадан жасөспірімдер арасында жарыс өтті. Сонымен қатар, турнир иесімен арнайы сұхбат алаңы құрылып, спортшы жас балғындар чемпион ағаларына көкейдегі сұрақтарын қойды.

"Рухани жаңғыру" аясында аудандық демалыс орталығында аудандық ішкі саясат бөлімі, аудандық демалыс орталығы, жастармен жұмыс жөніндегі ресурстық орталығы, "Нарын жастары" жастар қоғамдық бірлестіктерінің ұйымдастыруымен "Сағындырған әндер-ай" атты ауылдың қарияларының отырысы өтті. Отырыс барысында Елбасының бағдарламасын тиімділігін түсіндіру, аудан өмірінде болып жатырған соңғы жаңалықтар, әлеуметтік-экономикалық даму бағытында өзекті ойлар айтылды. Сонымен қатар, ел ағалары мен ақ жаулық әжейлер сонау заманғы халықтың жадында сақталған ән-жырларды шырқап, бір жасарып қалды.

Қазақстан Республикасының Тұңғыш Президенті күніне орай, "Ақбұлақ" бағдарламасы негізінде жеті ай мерзімде құны 185 миллион теңгеге Бисен ауылдық округінің Көктерек, Жамбыл ауылдарына таза ауызсу келіп, тұрғындарды зор қуанышқа бөледі.

Жазушы, Қазақстан Жазушылар және Журналистер одағының мүшесі Сара Латиеваның мерейтойы туған жері Хан ордасы ауылында аталып өтілді.

Хан ардасы ауылдық Мәдениет үйінде ''Есіңде ме сол бір кез'' атты ретро- əндер кеші өтті. Кеш барысында «Нарын» аспаптар ансамблінің бұрынғы жəне қазіргі топ мүшелері, ''Нарын əжелері'' ансамблінің мүшелері,ауылдың аға-апалары 70, 80, 90-шы жылдардағы танымал болған əндерді орындап, халықтың ыстық ықыласына бөленді.