2017 жылғы 7 қарашада халыққа қызмет көрсету жұмысын жетілдіру мәселелері бойынша Ақпарат және коммуникациялар министрі Дәурен Абаев пен «Азаматтарға арналған үкімет» мемлекеттік корпорациясы» КЕ АҚ Басқармасының төрағасы Абылайхан Оспановтың қатысуымен жұмыс кеңесі өтті.

 Қазақстан Республикасының 2003 жылғы 20 маусымдағы №442 Жер кодексінің 48 бабына сәйкес, Қазақстан Республикасы Ұлттық экономика министрінің 2015 жылғы 31 наурыздағы №290 бұйрығы негізінде Бөкей ордасы ауданының әкімдігі ауылшаруашылық өндірісін жүргізу үшін жер учаскесін жалға беру бойынша конкурс өткізеді, конкурс 2017 жылы 7 желтоқсан сағат 15.00-де Батыс Қазақстан облысы, Бөкей ордасы ауданы, Сайқын ауылы, Т.Жароков көшесі, 31-үй (3 қабат), Бөкей ордасы ауданы әкімдігінің кіші мәжіліс залында өтеді.

Ұстаздар күні - бұл дәстүрлі әрі бүкілхалықтық мереке десек артық айтқандық болмас. Ұлы ғұламалардың да ұстазы болған, сондықтан болар осы абыройлы міндетті атқарып жүргендерді халқымыз әрқашан ерекше құрмет тұтқан. Ұстаздың әр адамның жүрегінен алатын орны айрықша, қолына қалам ұстатып, алғаш әліппені үйреткен мұғалімін жылылықпен еске алмайтындар кемде кем болар. Аудандық демалыс орталығында мереке иелеріне арналған салтанатты жиын, мерекелік концерт өтті.

Жастармен жұмыс жөніндегі ресурстық орталығының ұйымдастыруымен, "Рухани жаңғыру" бағдарламасының "ӨНЕР" кіші бөлімшесі негізінде Ұялы ауылында "Жастар фестивалі" оздырылды. Фестиваль барысында өнерлі жастар мен мүмкіншілігі шектеулі жандар өз өнерлерін ортаға салып көпшіліктің ықыласына бөленді.

4 қазан күні аудан орталығы Сайқын ауылында Ұлы Отан соғысына қатысып, қаза тапқан Кеңес Одағының батыры, Орда ауданының Жасқұс құмында туған, шығыстың қос шынарының бірі Мәншүк (Мәнсия) Жеңсікәлі Мәметованың 95 жылдығына орай қойылған ескерткішінің салтанатты түрде ашылуы өтті. Салтанатты шараға сұрапыл соғыста қаза тапқан топырақ Ресей Федерацияның Псков облысы Невель қаласынан, Ақтөбе, Қызылорда, Ақмола облыстары, Алматы, Орал қалалары және көршілес Жәнібек ауданынан мәртебелі меймандар қатысты. Батыр қызға арналып ғылыми-практикалық конференция, концерттік бағдарлама, тал-терек отырғызу шаралары өтті.

Аудандық білім беру бөлімінің мәжіліс залында Қазақстан Республикасы Президенті Н.Назарбаевтың латын алфавитіне көшу туралы Жарлыққа қол қоюына байланысты, өзара талқылау, бұқараға жеткізу мақсатымен "Латын графикасына негізделген қазақ тілі - рухани жаңғырудың алтын қадамы" атты "дөңгелек үстел" өтті. Оған аудан әкімінің орынбасары Л.Қайырғалиева, аудандық мекеме басшылары, орта мектеп директорлары, тіл мамандары мен ұстаздар, жастар өкілдері қатысты.