Бүгін еліміздің батыс өңірлерінде Көрісу айты. Күн мен Түн теңелер Әз-Наурыз мерекесіне тура бір апта қалғанда тойланатын амал мерекесі. Қыстан қысылып шыққан ағайын дәл осы күні жақындарымен, дос-жарандарымен, тамыр-таныстарын аралап, бір-бірімен төс қағыстырып, амандық-саулық сұрасады. Мейраммен құттықтап, арқа-жарқа болып айтшылап, бір-бірінің үйінен дәм татады.

14 наурыз - Көрісу мейрамы. Көрісу күнінде халық қыстан аман-есен шыққанына қуанып, бір-бірімен қол алысады. Таң сібірлеп атысымен, көрісу мерекесін асыға күтіп отырған әрбір отбасы алдын ала дайындалып қойған дастарханын жаяды. Міндетті түрде бауырсақ пісіріп, дастарханға тәтті-пәттісімен қосып үйіп қояды. Отбасының кішілері үлкендеріне қос қолын беріп, көрісіп шығады. Бір–біріне «Бір жасыңмен!» дейді. Ол «Бір жасқа есеюіңмен! Осы жылға аман-есен жетуіңмен!» дегенді білдіреді. Содан кейін әр отбасы көршілерімен көріседі. Жасы кіші отбасы мүшелері жасы үлкен жанұяларға кіріп, көрісіп шығады. Бүгін Көрісу айт мейрамы күні аудандық жастармен жұмыс жөніндегі ресурстық орталығы және "Нарын жастары" жастар қоғамдық бірлестігі қызметкерлерімен орта мектеп оқушылары ауылдың үлкендерімен көрісіп, ақ баталарын алды.

"Балаларды бірге қорғайық! акциясы шеңберінде Сайқын ауылы М-С.Бабажанов атындағы орта мектепте, Ұялы ауылдық округінің Кеңей ауылында бастауыш мектепте оқушылар, ата-аналармен кездесулер ұйымдастырылды. Акцияның басты мақсаты кәмелетке толмағандардың жыныстық қол сұқпаушылығына қарсы қылмыстың деңгейін төмендетуге бағытталған алдын алу іс-шаралары, сексуалды зорлық-зомбылыққа душар болған балаларды анықтау және оларға медициналық-психологиялық және құқықтық қолдау көрсету, сондай-ақ ақпараттық-түсіндіру жұмыстарын жүргізу болып табылады. Шара барысында әртүрлі түсінік жұмыстары жүргізіліп, ақпараттық хабарламалар таратылып, флешмобтар ұйымдастырылды.

Жылы шырайлы көктемнің алғашқы бір күндері барша азаматтың көңілін жадырата келген 8 Наурыз - Халықаралық әйелдер күні қарсаңында аудандық демалыс орталығында "Ал, қане, қыздар" атты қыз-келіншектер сайысы оздырылды. Сайыс барысында командалық негізде қатысушылары өз өнерлері мен шеберліктерін танытты.

8 наурыз - Халықаралық әйелдер күніне орай аудандық демалыс орталығында аудандық жастармен жұмыс жөніндегі ресурстық орталығының ұйымдастыруымен «16 қыз» отандық кино-комедия көрсетілді.

8 наурыз - Халықаралық әйелдер күні аудан әкімі Н.Рахымжанов әртүрлі қызметте жүріп, ел үшін елеулі еңбек етіп жүрген нәзік жандылар қауымын құттықтап, өзіндік сый-сияпатын ұсынды.

Алғыс айту күні – бұл ең алдымен елімізде тыныштық пен өзара сенімділік, барлық қазақстандықтардың бір-біріне деген құрметтің орнығуына негіз болатын идея. Бұл мереке – тек қазақ халқына алғыс айту, түрлі этностардың өзара сыйластығы ғана емес, бұл әр қайсысымыздың бір-бірімізге деген құрметіміз, отбасындағы түсіністік, жас ұрпақтың ата- аналарына, үлкенге деген құрметі, яғни бұл – бір шаңырақ астында өмір сүріп келе жатқан барша адамдарды жақындастыруға бағытталған мереке. Көптеген ұлт өкілі бірлікте, татулықта күн кешіп жатқан біздің мемлекет үшін бұл әсіресе маңызды күн.