8 наурыз - Халықаралық әйелдер күніне орай аудандық демалыс орталығында аудандық жастармен жұмыс жөніндегі ресурстық орталығының ұйымдастыруымен «16 қыз» отандық кино-комедия көрсетілді.

8 наурыз - Халықаралық әйелдер күні аудан әкімі Н.Рахымжанов әртүрлі қызметте жүріп, ел үшін елеулі еңбек етіп жүрген нәзік жандылар қауымын құттықтап, өзіндік сый-сияпатын ұсынды.

Алғыс айту күні – бұл ең алдымен елімізде тыныштық пен өзара сенімділік, барлық қазақстандықтардың бір-біріне деген құрметтің орнығуына негіз болатын идея. Бұл мереке – тек қазақ халқына алғыс айту, түрлі этностардың өзара сыйластығы ғана емес, бұл әр қайсысымыздың бір-бірімізге деген құрметіміз, отбасындағы түсіністік, жас ұрпақтың ата- аналарына, үлкенге деген құрметі, яғни бұл – бір шаңырақ астында өмір сүріп келе жатқан барша адамдарды жақындастыруға бағытталған мереке. Көптеген ұлт өкілі бірлікте, татулықта күн кешіп жатқан біздің мемлекет үшін бұл әсіресе маңызды күн.

1 наурыз – «Алғыс айту» күні Сайқын ауылы аудандық демалыс орталығында «Үлкенге алғыс айт» акциясы, тұрғындар арасында дойбыдан жарыс, «Рахмет саған туған ел!» атты мерекелік концерттік бағдарлама өтті.

«Азаматтарға арналған үкімет» мемлекеттік корпорациясында сөйлеу және есту қабілеті бұзылған азаматтарға мемлекеттік қызметтерді көрсетуде жаңа сервис пайда болды. Енді бұл адамдарға ымдау тілінің кәсіби маманы арнайы қосалқы монитордан шынайы уақыт режимінде сурдоаударма ұсынатын болады. Бұл пилоттық жоба Азаматтарға арналған үкіметтің бастамасымен «Ауған соғысының қазақстандық республикалық мүгедектер бірлестігі» қоғамдық бірлестігімен біріге отырып жүзеге асырылды.

Аудандық жастармен жұмыс жөніндегі ресурстық орталығы және "Атамекен" ҚР ҰКП Бөкей ордасы ауданы филиалының бірлесе ұйымдастыруымен "Болашағың өз қолыңда!" жобасы аясында "Кәсіпкерлік - жастар үшін" атты семинар-тренинг өтті. Шараға баламалы кәсіп көзін ашқысы келетін аудандық мекемелердің жас қызметкерлері, студенттер, жас кәсіпкерлер мен ауыл жастары қатысты. Семинар барысында "Кәсіпкерлікпен қалай айналысуға болады?" деген тақырыпта әңгімелер өрбіп, сұрақ-жауаптар алмасылды.

Биыл Ауған соғысының аяқталғанына 28 жыл толып отыр. Қазақ тарихындағы көп соғыстың бірегейі - ауған соғысы. Ауған даласында қан төккен кеңес әскерлерінің қатарында, бауырлас елдің бірі саналған Қазақстаннан қазақстандық сарбаздар да болды. Бейбіт өмірде Отан алдындағы борышын өтеп жүрген өрімдей жас жігіттер Ауған соғысына аттанды. Талайдың тағдырын тәлтекке салған Ауған соғысы он жылға созылды. Мұнда қаншама жас қыршынан қиылып, қаншасы мүгедек болып оралды. Олардың бір ғана міндеті- бала жастан санамызға сіңірілген патриоттық тәрбие- Отан алдындағы борышын өтеу, қабылдаған антына берік болу еді.