Ауданның барлық білім беру ұяларында "Студенттік өмір - көтеріңкі көңіл" атты ауылдың студент жастары мен орта жоғарғы сынып оқушыларының кездесуі өтті. Кездесуі интеллектуалды ойындар ойнатылса, әр жерде жүрген студенттер өздерінің қызығы мен қиындықта толы кезеңдерін, ауылға деген сағыныш сезімдерін жеткізді.

Бүгін аудан орталығы Сайқын ауылының тұрғындары қуанышты сәттің куәсі болды. Көптен күт жұртшылықтың арманы Жаңа жыл қарсаңында орын алып, "Ақбұлақ" бағдарламасы негізінде ауылішілік жөндеу жұмыстары жүргізіліп (мердігер: "АльфаСтройСервис" ЖШС) ауызсу тұрғын үйлерге жеткізілді. Ауыл үлкендері мерекеде қуаныш сыйлаған аудан атқамінерлеріне алғысын жаудырса, әжелер шашу шашты.

7 қаңтар – барша христиандар үшін маңызды саналатын Рождество мерекесі. Себебi, Рождество – Иса пайғамбардың туған күнi. Рождество мерекесiнiң мағынасы – сүйiспеншiлiк, бейбiтшілiк, рақымшылық, барлығына кешірiммен қарап, әркiмге тек жақсылық тiлеу, жалпы, адамзат баласын сүю мен келiсiмде өмiр сүру дегенге келіп тіреледі. Айтулы мереке аудандық "Лучь добра" славян қозғалысының ұйымдастыруымен Сайқын ауылында аталып өтті.

"Рухани жаңғыру" аясында аудандық демалыс орталығында халықтық "Нарын" вокалды-инструменталды ансамбілінің негізін қалаушы және белді мүшесі болған, мəдениет пен білімді ұштастыра білген ұстаз Қонысбай Бекбайұлы Боранбаевтың 70 жылдығына арналған "Қонысбай құрған-Нарын"атты концерт өтті. Концертке арнайы жолдасы Балауса Хабиқызы мен балалары қатысты.

Қазақстан Республикасы Тәуелсіздігі күні қарсаңында Бисен ауылдық округінің Көктерек ауылында ауылдық клуб, Орда ауылдық округінің Қарасу ауылында ауылдық клуб пен кітапхана күрделі жөндеу жұмыстары өтіп, тұрғындарға пайдалануға берілді.

Елбасы Н.Назарбаевтың "Төртінші өнеркәсіптік революция жағдайындағы дамудың жаңа мүмкіндіктері" атты Қазақстан халқына Жолдауын талқылау бойынша бірыңғай республикалық күнін қолдау мақсатында аудан әкімінің орынбасары, мекеме басшыларының,аудандық этномәдени бірлестік мүшелерінің, аудандық қоғамдық келісім кеңесінің мүшелері және жергілікті БАҚ өкілдерінің қатысуымен «дөңгелек үстел» өткізілді. Қатысушылар дамудың жаңа мүмкіндіктерін айтып қана қоймай, нақты 10 бағыт бойынша маңызды міндеттерді талқылады.

Аудандық демалыс орталығында әнші, республикалық байқаулардың жүлдегері, "Түнгі қала" әнімен "жарқ" етіп танылған, қазақстандық эстрада жұлдызы Дәурен Сейтжанов және жерлес күйші Асылхан Қазиевпен кездесу өтті. Кездесу барысында өз өмірі, шығармашылығы, Нарын топырағына деген қатысы туралы сөз қозғаса, жастар жағы әншіге өз ойларындағы сұрақтарын қойып, әсерлі кездесудің көрігін келтірді.