Бөкей ордасы ауданы бойынша Мемлекеттік кірістер басқармасы, Сіздерге көлік құралдары салығының берешектерін төлеу қажеттігін хабарлайды.

Салықтарды белгіленген мерзімде төлемеген жағдайда әрбір күн үшін өсімпұл есептеліп, әкімшілік айыппұлдар салынады. Сонымен қатар сот шешімімен берешек тұлғалардың мүліктері тәркіленіп, Қазақстан Республикасының аумағынан шығуына шектеу қойылады.

Салық берешектері туралы ақпаратты Қазақстан Республикасы Қаржы министрлігінің Мемлекеттік кірістер комитетінің kgd.gov.kz сайтынан тексеріуге болады.

Бөкей ордасы ауданы бойынша Мемлекеттік кірістер басқармасы, 2018 жылдың 1 қаңтарынан бастап оңайлатылған декларация және бірыңғай жер салығы негізіндегі арнаулы салық режимін қолданатын салық төлеушілер үшін төлем көзінен ұстап қалатын жеке табыс салығының,  міндетті зейнетақы жарналары, әлеуметтік аударымдар мен міндетті әлеуметтік медициналық сақтандыру аударымдарын төлеу мерзімі өзгергенін хабарлайды.

Енгізілген өзгерістерге сәйкес аталған төлемдер ай сайын, төлем жүргізілген айдан кейінгі айдың 25-нен кешіктірмей төленуі тиіс.

Салық органдарының алдында тұрған маңызды міндеттерінің бірі - Еліміздің даму болашағына айтарлықтай қауіп келтіретін сыбайлас жемқорлық сықылды қоғамның дертіне қарсы күрес. Осы жұмысты жүзеге асыру мақсатында жақын ауқытта Бөкей ордасы ауданы бойынша Мемлекеттік кірістер басқармасы қызметкерлерінің еңбек және сыбайлас жемқорлықпен күрес заңнамаларының және мемлекеттік қызметшілердің Ар-намыс кодексінің сақталуына бақылау жүргізу мақсатында аудан бойынша Мемлекеттік кірістер  басқармасы ғимаратының бөлмелерінде бейнекамералар орнатылуы күтілуде. Ал күні бүгін тұрғындардың шағымдары мен ұсыныстары үшін журнал қойылып, жәшіктер орнатылған. Ақпараттар тақтасында  қызметшілерінің өз лауазымдық өкілеттігін асыра қолданғаны немесе салық төлеушілердің заңға қайшы әрекеттеріне шағымдану үшін сенім телефоны жұмыс жасайды. Соның ішінде сыпайылылық қағидатына негізделген, салық төлеушілердің өтініштеріне уақытылы жауап дайындау, салық төлеушілерге жан-жақты, толық және дұрыс ақпаратты беру -  аудан бойынша Мемлекеттік кірістер басқармасының қызметкерлерінің кәсіби біліктілігін дәлелдейтін, жүгінушілерді қанағаттанарлық ойда қалдыратын мақсатты көрсеткіш болып есептеледі. Басқарма қызметкерлерімен мемлекеттік қызмет көрсету мерзімі қатаң сақталады. Бұны бақылауының бірі, салық төлеушілердің өтініштері ақпараттық жүйеге енгізіліп, орындау мерзімі автоматты түрде бақылауға алынады, тоқсан сайын орындау мерзімі бұзылған құжаттар бойынша ақпараттық жүйеде есеп құрылып, кемшілікке жол берген қызметшілерге тәртіптік шаралар алынады. Осындай қолға алынған шаралар сыбайлас жемқорлыққа жол бермеу факторларының бірі деп есептейміз.